ЕПИ ја спроведе четвртата Национална дебатна анкета
На 6 и 7 јули, околу 150 граѓани дискутираа и прашуваа за надворешната политика на Северна Македонија, усогласеноста со Заедничката надворешна и безбедносна политика на ЕУ, како и за односите на земјава со НАТО во рамки на четвртата Национална дебатна анкета за демократија организирана од ЕПИ, во соработка со Deliberative Democracy Lab од Универзитетот Стенфорд од САД.
![](http://epi.org.mk/wp-content/uploads/dp-3.jpg)
![](http://epi.org.mk/wp-content/uploads/dp-3.jpg)
По дискусиите во 11 фокус групи, граѓаните поставуваа прашања на панели составени од политички и експерти. На првиот ден и на темата надворешна политика и усогласеност со ЗНБП прашањата на граѓаните ги одговараа Дрита Абдиу Халили, Малинка Ристевска Јорданова, Марко Трошановски и Ивица Боцевски. На вториот ден прашањата за односите на Северна Македонија со НАТО ги одговараа Илина Мангова, Методи Хаџи Јанев, Павле Арсоски, Ненад Марковиќ и Алберт Муслиу.
![](http://epi.org.mk/wp-content/uploads/dp-7.jpg)
![](http://epi.org.mk/wp-content/uploads/dp-7.jpg)
Дебатната анкета е уникатна форма на политички консултации која ги комбинира техниките на испитување на јавното мислење и јавната расправа. Таа цели да претстави како би изгледало јавното мислење на одредена тема, доколку граѓаните би имале можност повеќе да се запознаат со темата. Дебатната анкета ги прикажува преференците и мислењата на граѓаните и пред и по детално запознавање со темата.
Дебатната анкета ги мери резултатите, но и промените во ставовите на граѓаните пред и по дебатниот настан.
Овој настан беше организиран во рамките на проектот „Поттикнување анализа на политики и јавна дебата 3.0“ финансиран од Националната фондација за демократија и во соработка со Универзитетот Стенфорд од САД.