Пристапни преговори меѓу ЕУ и Северна Македонија: можните последици на бугарските услови

Пред октомврискиот состанок на Советот на ЕУ во 2019 година, бугарската влада усвои Рамковна позиција, која беше потврдена со Декларација на бугарското Собрание. И покрај поддршката за отворање на пристапни преговори, во позицијата се содржани нови услови за Република Северна Македонија кои наводно произлегуваат од Догoворот за пријателство, добрососедство и соработка меѓу Република Македонија и Република Бугарија од 2017 година.

Потоа следеше Изјава на бугарската влада како прилог на заклучоците на Советот одржан во март 2020 година.

Институтот за европска политика – Скопје објави краток документ за политика во кој се анализираат бугарските услови, спородено со билатералниот Договор. Понатаму, овој документ ги истражува можното влијание, како и опциите за надминување на овие предизвици во процесот на пристапувањето на Северна Македонија во ЕУ, со фокус на претстојната преговарачка рамка на ЕУ во согласност со новата методологија за проширување.