Me Kapitullin 23 u hap Konventa Kombëtare për Bashkimin Evropian

Sot u mbajt takimi i parë i grupës punuese për Kapitullin 23, në suaza të Konventës Kombëtare për Bashkimin Evropian. Eventin e hapën Znj. Mileva Gjurovska, presidente e Lëvizjes evropiane në Republikën e Maqedonisë dhe mbajtëse e projektit, Z. Talat Xhaferi, kryetar i Parlamentit të Republikës së Maqedonisë, si dhe Aleksandar Duleba, drejtor i Lëvizjes sllovake për politika të jashtme (SFPA).

Aleksandar Jovanovski nga EPI u drejtua si ekspert në Kapitullin 23: gjyqësori, lufta kundër korrupsionit dhe të drejtat themelore. Në fjalimin e tij u prezentuan hulumtimet dhe monitorimi i EPI dhe Rrjetit 23.

“Bashkimi Evropian nuk rekomandon përzierje të ekzekutivit mbi monitorimin e reformave në gjyqësorin. Për atë, këshilli për ndjekjen reformave në gjyqësorin duhet të punojë në mënyrë transparente, rregullisht ta informon Parlamentin dhe publikun lidhur me rezultatet e punës. Në atë mënyrë, do të jemi të sigurtë se reformat, por edhe puna e këtij trupi po zhvillohen në drejtim të duhur.” – Jovanoski.

Ndjekja e reformave tregon përparim në zbatimin e Reformave Urgjente Prioritare.

“Përparim të rëndësishëm kemi në zbatimin e Reformave Urgjente Prioritare në sferën e gjyqësorit. Në maj të vitit të kaluar, 5 nga 9 reformat nuk kishin filluar aspak të zbatohen. Monitorimi ynë tregon se nji vit më vonë, 7 nga 9 reformat në gjyqësi janë në vazhdim.” – Jovanoski

Për eventin

Konventa Kombëtare për Bashkimin Evropian u zhvillua dhe u implementua me sukses në Republikën Sllovake si model për motivimin e akterëve shoqëror të marrin pjesë në procesin e negociatave me BE-në. Përmes projektit, ekspertët sllovak do t’i kalojnë ekperiencat e veta tek partnerët maqedonas. Konventa në Maqedoni do të organizohet si forum për hapjen e dialogjeve mes përfaqësuesëve të Qeverisë, Parlamentit, institucioneve shtetërore relevante, partive politike si dhe përfaqësuesëve të universiteteve, sindikatave, organizatave qytetare dhe aktorëve të tjerë të rëndësishëm në procesin e integrimit të Republikës së Maqedonisë në BE.

Instituti për Politikë Evropiane është emëruar si anëtar i përhershëm në Grupën punuese 3 nga Konventa Kombëtare për Bashkimin Evropian, që i referohet Kapitullit 23.

Me Kapitullin 23 u hap Konventa Kombëtare për Bashkimin Evropian