Од февруари до октомври 2023 година, ЕПИ организираше три локални дискусии со 82 граѓани од Полошкиот, Пелагонискиот и Скопскиот регион. На дебатните настани учесниците разговараа за новата геополитичка ситуација и позицијата на Северна Македонија, а потоа поставуваа прашања на панели од експерти.
Овие дискусии и прашањата отворени на нив ќе бидат основа за четвртата Национална дебатна анкета која ЕПИ ќе ја организира во соработка со Deliberative Democracy Hub од Универзитетот Стенфорд во САД и со поддршка на National Endowment for Democracy.
