Kjo analizë synon të eksplorojë se si Akti i IA i Bashkimit Evropian do të ndikojë në gatishmërinë ligjore dhe institucionale të Maqedonisë së Veriut për integrimin në BE, me fokus në reformat e nevojshme strukturore, ligjore dhe institucionale që vendi duhet të ndërmarrë për të harmonizuar ligjet me standardet e BE-së. Pa këtë përafrim, vendi rrezikon fragmentimin rregullator, uljen e besimit në sistemet e IA dhe vonesat e mundshme në procesin e pranimit. Mos harmonizimi i legjislacionit shtetëror me acquis communautaire – veçanërisht me Aktin e IA në këtë rast – do të sinjalizonte mospërputhje të mjaftueshme me standardet dixhitale të BE-së dhe të mbrojtjes së të dhënave, do të minonte besueshmërinë e vendit si kandidat i BE-së dhe do të dobësonte kuadrin e tij për mbrojtjen e të dhënave, që është ende në zhvillim e sipër.